Oleiros Bandástico

17 MAIO. DIA DAS LETRAS GALEGAS

2011-05-14T14:05:00.004+02:00

O poeta Lois Pereiro, a quen adícaselle iste ano o Día das Letras, di nun dos seus poemas:

A amizade protexe e o amor cura
o odio contaxia e fire
a indiferencia mata.

Apliquemos estes versos á nosa lingua.
Fronte ó odio e fronte á indiferenza, o noso amor.
Queremos galego!

Concentracions dia 17 de Maio:
A Coruña: 12 da mañá, Obelisco (Cantón Grande)
A Estrada: 13 horas, Praza do Concello
A Guarda: 12 da mañá, Auditorio de San Bieito
Allariz: 12 da mañá, Praza Maior
Ares: 12 da mañá, Praza do Concello
Arteixo: 12 da mañá, anfiteatro do Paseo Fluvial
As Pontes: 12 da mañá, Praza de América
Barcelona: 19 horas, Centro Galego de Barcelona (Rambla)
Barreiros: 18 horas, escolas de Celeiro de Mariñaos
Belfast: 16 horas, Culturlann, Falls Road (oeste de Belfast)
Betanzos: 12 da mañá, palco da música do Cantón
Boiro: desde as 11.30, romaría popular na finca do Pazo de Goiáns
Bos Aires: 12 da mañá (hora arxentina), Praza Castelao (Bernardo de Irigoyen e Independencia)
Bruxelas: 19 horas, Place de Luxembourg, fronte ao Parlamento europeo
Cambados: 12 da mañá, Alameda (xunto á estatua de Cabanillas)
Cambre: 12 da mañá, Vila Florentina (Cecebre)
Carballo: 12 da mañá, Paseo do Anllóns
Carral: 12 da mañá, Monumento aos Mártires
Cedeira: 12 da mañá, Praza da Reitoral da Vila Vella
Celanova: 12 da mañá, Vilanova dos Infantes
Culleredo: 12 da mañá, Praza de Europa (O Burgo)
Fene: 12 da mañá, local do Pote (Maniños)
Ferrol: 12 da mañá, Praza do Himno Galego (Esteiro)
Lalín: 12 da mañá, Praza da Igrexa
Lugo: 12 da mañá, Rúa da Raíña (fronte ao Hotel Méndez Núñez)
Madrid: 12 da mañá, Parque Breogán (zona Avenida de Bonn), xunto á estatua de Castelao
Marín: 12 da mañá, na Alameda
Monforte de Lemos: 12 da mañá, Praza de Santa Clara
Narón: 12 da mañá, Parque Botánico Carlos Rodríguez Dacal
Nigrán: 11.30 da mañá, Parque da Ramallosa
Nova York: 17 horas, Battery Park (fronte á estatua da Liberdade)
O Barco de Valdeorras: 12 da mañá, pasarela peonil do Salgueiral
O Carballiño: 12 da mañá, Praza Maior
Oleiros: 12 da mañá, Praza do Emigrante (Porto de Santa Cruz)
Oroso: 12 da mañá, Praza de Isaac Díaz Pardo (Sigüeiro)
Ourense: 12 da mañá, Xardíns do P. Feixóo
Oxford: 17 horas (hora inglesa), xunto a Carfax Tower
Padrón: 12 da mañá, Paseo do Espolón (xunto á estatua de Rosalía)
Pontedeume: 11.30 da mañá, Praza do Concello
Pontevedra: 12 da mañá, Praza da Peregrina
Redondela: 12 da mañá, Praza do Concello
Ribadavia: 12 da mañá, Praza Maior
Ribeira: 12.30 da mañá, Rúa de Galiza
Sada: 12 da mañá, Praza dos Irmáns Suárez Picallo
Salceda de Caselas: 12 da mañá, Praza do Concello
San Sadurniño: 12 da mañá, Praza do Concello
Santiago de Compostela: 11.30, Porta Faxeira
Soutomaior: 12 da mañá, Alameda de Talorrío (Arcade)
Valdoviño: 12 da mañá, Praza da Casa da Cultura
Vigo: 11.30, Praza da Princesa
Xenebra: 20 horas, Asociación S.C.D.R Galaica, 18, Chemin de la Caroline, Petit-Lancy
Xinzo de Limia: 12.30 da mañá, Praza Maior (ou Praza de San Roque)

CONTAXIO

2011-05-02T19:54:00.003+02:00

Depende de min?
Depende de ti?
Depende de el, de ela?

Depende de nós?
Depende de vós?
Depende de eles, de elas?

¡¡¡ CONTÁXIATE !!!

LIDERAZGO E TRABALLO EN EQUIPO

2011-03-19T14:20:00.003+01:00

ITAY TALGAM é un director de orquestra isrealí de sona mundial que, ademáis, ten excelentes dotes de conferenciante.
O seguinte video seméllame moi interesante. Itay Talgam fálanos de distintos xeitos de liderar, de conducir, de dirixir,poñéndonos exemplos de directores de orquestras. O millor, como case sempre, no último minuto. Pero pra chegar a ise nivel de armonia, sen dicir nin transiqueira unha verba, hai moito traballo en EQUIPO detrás. Ou non?

Non esquenzades escoller os subtítulos, no voso idioma preferido, antes de velo video.

Agardo que sexa do voso agrado.
Saúde.
VentoMadeira

... E AGORA OS VIDEOS DO III CERTAME DE BANDAS

2010-02-20T15:29:00.004+01:00

GRABACIÓNS DO III CERTAME. AUDIO

2010-02-07T12:44:00.006+01:00

Xa podedes escoitar as interpretacións das obras que a Banda da E.M.M.O. realizou no III Certame Galego de Bandas celebrado os días 27, 28 e 29 de novembro de 2009 no Auditorio de Galicia en Santiago de Compostela e no que a Banda da E.M.M.O. acadou o primeiro premio da sección segunda (bandas de entre 40 e 60 músicos).

A grabación foi realizada pola propia organización do certame. Tamén realizaron unha grabación en video que ainda non a fixeron pública e da que daremos conta logo de facérmonos con ela.

Pra escoita-las interpretacións premede nas ligazóns amosadas de seguido.

Pasodobre de presentación: Yakka de José Rafael Pascual-Vilaplana
Obra obrigada: A Revolta Irmandiña de Raúl Martín Niñerola
Obra libre: Rubicón de Bert Appermont

Banda da E.M.M.O. gañadora. Xornada histórica para OLEIROS.

2009-11-29T16:39:00.008+01:00

A segunda das xornadas do III Certame Galego de Bandas de Música tivo lugar na tarde de onte, sábado, dende as 18:00 h no Auditorio de Galicia. As formacións musicais que competiron foron as pertencentes á sección segunda, aquelas que que teñen entre 45 e 60 músicos.
Nesta ocasión, a banda gañadora foi Banda da Escola de Música de Oleiros á que se lle entregou un premio en metálico de 2000 €. En segundo e terceiro lugar quedaron Banda de Escola de Música de Rianxo e Banda de música Sementeira de Cambre cuns premios de 1.400 e 600 € respectivamente. A Federación Galega de Bandas de Música Populares concedeu tamén un premio de 400€ á banda que acadou o 4º posto, Agrupación Músico Cultural de Ribadumia.Ademais a Consellería de Cultura e Turismo estableceu un premio á mellor interpretación dunha obra de autoría ou temática galega que recaeu na Banda de Escola de Música de Rianxo cunha dotación de 800 €. Nesta xornada tamén se puido gozar dunha das obras finalistas do I Concurso de Composición, A Revolta Irmandiña, de Raúl Martín Niñerola.
Nesta segunda xornada do III Certame Galego de Bandas de Música a acollida aínda foi mellor que a do venres e o ambiente moito máis tenso, tendo en conta a igualdade de condicións das 6 bandas participantes. Proba disto e da gran calidade que amosaron as bandas foi que o xurado tardou case unha hora en determinar o veredicto. Dende que no 2007 o Certame Galego de Bandas vía a luz, pouco a pouco foise convertendo no escaparate perfecto para dar a coñecer o talento que se agocha detrás das decenas de bandas que hai espalladas por toda a xeografía galega.

Onte á noite, en Compostela, unha nova estrela deixábase ver no ceo pedindo permiso entre as supernovas das Bandas Galegas para nos amosar a súa propia luz. Era a estrela da Banda da Escola de Música de Oleiros que, dende xa, deixa de ser unha promesa pra se conformar coma un proxecto de futuro consolidado, resultado do compromiso e o do esforzo de todo un equipo de profesores, alumnos, familias e amigos que traballando arreo e con ilusión acadaron a satisfacción de disfrutar dun traballo ben feito.
Independentemente do resultado, todos os que dalgún xeito participaron na súa consecución deben estar orgullosos da súa achega. Nada é dabondo, todo suma.

Nembargantes, o verdadeiro obxetivo acadouse a noite anterior ó Certame. A Banda da E.M.M.O. era outra, soaba diferente, a súa evolución era incontestable.
Acadar o Primeiro premio é un broche de ouro para un compromiso colectivo.
Pero non esquenzamos o xeneroso consello que nos deu o mestre Rafael Pascual Vilaplana cando visitounos nun dos ensaios: “non pensedes no Certame coma un fin, senon coma un medio”.

E coma decía outro benquerido profesor, "faise camiño ó andar". Coido que, como xa apuntei nalgunha ocasión, a verdadeira felicidade non esta no final do camiño senon no vagar da propia corredoira.
Atopémola e disfrutémola
Parabéns a todos.

Foto orixinal e información en cursiva da Web da FGBMP

2009-11-28T14:00:00.003+01:00

HOXE, 28 DE NOVEMBRO, 2ª SECCIÓN.
Estes horarios que aquí se presentan serán orientativos polo que a Comisión Organizadora non garantiza o seu perfecto cumprimento. Recordamos que as portas se abrirán unicamente entre cada unha das actuacións.

Banda
Agrupación Músico Cultural de Ribadumia
18.00 horas

Banda de Música de Vilagarcía de Arousa
18.50 horas

Banda de Música "Sementeira" de Cambre
19.40 horas

Banda da Escola de Música de Oleiros
20.30 horas

Banda da Escola de Música de Rianxo
21.20 horas

Banda de Música Xuvenil de Xinzo
22.10 horas

350

2009-10-25T20:36:00.004+01:00

350 é o número máis importante. Unha concentración de 350 partes por millón (ppm) de dióxido de carbono (CO2) na atmosfera sería o límite seguro para evitarmos unha mudanza climática global moi perigosa. Agora estamos en 387 ppm. Unha campaña internacional procura que volvamos canto antes ás 350 ppm.

PORQUE TODO O MUNDO PRECISA SABER

A REVOLTA IRMANDIÑA

2009-10-05T21:00:00.004+02:00

A qué ven isto da Revolta Irmandiña nista bitácora?

Non é máis que a continuación da entrada anterior na que comentabamos a participación ba Banda da E.M.M.O. no III Certame Galego de Bandas que se vai a celebrar en Santiago os días 27, 28 e 29 de novembro de 2009.
A obra obrigada, na sección segunda, na que participa a Banda da E.M.M.O. é A Revolta Irmandiña de Raúl Martín Niñerola. Con ista composición acadou o o primeiro premio do I Concurso de Composición para Bandas de Música da Federación Galega de Bandas de Música Populares.

Na Galiza medieval, os irmandiños eran os membros das Irmandades constituídas para a defensa dos seus intereses fronte aos abusos dos señores.
No século XIV entrou en Galiza unha nobreza moi guerreira e que atacaba os mosteiros, os bispos, os burgueses e os campesiños. Esta nobreza xurdira despois das loitas de Pedro I "o Cruel" e Henrique II. Eran os Osorio en Lemos e Sarria, os Andrade en Pontedeume, os Sarmiento, os Ulloas, os Sotomaior ... ). Loitaban contra as institucións e despoxábannas violentamente das riquezas que lles pertencían. A época conflitiva en Galicia foi no século XV. Dos constantes conflitos sociais salientan as "Guerras Irmandiñas" que foron dúas: a primeira denomínase “Irmandade Fusquenlla”, e a segunda, “Grande guerra Irmandiña”.
As primeiras irmandades formáronse contra o bispo Diego Xelmírez, contra quen se levantaron varias veces os burgueses e parte do clero de Compostela (1116 e 1140).

Se queredes máis información sobre os irmandiños premede
eiquí e se vos apetece, de seguido podedes ver un anaco do programa da TVG, Historias de Galicia que nunha das súas emisións tratou ista revolta . Saúde.

III Certame Galego de Bandas

2009-10-04T13:05:00.006+02:00

Durante os días 27, 28 e 29 de novembro terá lugar na sala Anxel Brague do Auditorio de Galicia o III Certame Galego de Bandas de Música Populares.
Desta vez, e pese aos problemas para relizalo, a música de banda volverá a encher o Auditorio de Galicia nunha competición na que participarán ata 22 bandas distribuídas por toda a xeografía galega e arredor de 1000 músicos no escenario.
Como novidade para este certame inclúese a retroalimentación que comeza a producirse entre este III Certame Galego de Bandas e o I Concurso de Composición xa que as obras gañadoras do último serán tamén as obras obrigadas que terán que interpretar as bandas participantes do III Certame Galego.
A Banda da Escola Municipal de Música de Oleiros participrá niste certame na sección segunda, e competirá coas seguintes bandas:

Agrupación Músico Cultural de Ribadumia
Banda de Música de Vilagarcía de Arousa
Banda de Música Sementeira de Cambre
Banda da Escola de Música de Oleiros
Banda da Escola de Música de Rianxo
Banda de Música Xuvenil de Xinzo

Nista sección segunda a obra obrigada é "A Revolta Irmandiña" de Raúl Martín Niñerola.

Dende eiquí querémoslle desexar, ós integrantes da Banda da E.M.M.O., a pinga de sorte que sempre é necesaria para acompañar ó esforzo e ó traballo que con ilusión estan poñendo na preparación diste evento de relevancia.

ROTEIRO DOS BUFADOIROS. OLEIROS

2009-07-29T20:42:00.006+02:00

O pasado lúns 27 de xullo o programa da TVG Botarse Ao Monte adicoulle a súa emisión a un roteiro que pódese disfrutar no noso concello. Trátase do Roteiro dos Bufadoiros. Os bufadoiros son un dos accidentes naturais máis sorprendentes da costa galega. Nubes de auga que saen da propia terra.

Para velo video do programa non tedes máis que premer de seguido en Oleiros e despois voltar a premer no icono de Windows Media Player.

Podedes aproveitar iste tempo de lecer pra facelo roteiro. Seique non vos atrevedes?
Tédelo doado. Engádovos a ligazón dunha páxina onde podedes descargar todolos datos necesarios pra non ter desculpa de non facela. Premede eiquí pra ver ista en concreto. Na páxina de el correlimos ,poderedes encontar unha morea de roteiros por distintos lugares de interese natural e paisaxístico.

TROMPETAS

2009-07-05T12:32:00.005+02:00

Hola de novo. Gostaríame darlle protagonismo a un instrumento musical que destaca pola súa especial persoalidade e versatilidade dentro dunha formación musical, a trompeta . Tamén podedes ver máis información premendo eiquí

En ocasións convivimos cun instrumento ou no entorno dun instrumento e temos un total descoñecemento de cómo fabrícase isa ferramenta. Ista situación, tan frecuente, anímame a convidarvos a ver un curioso video de cómo se fai unha trompeta. Agardo que vos guste.

Tamén podedes ver a mostra dunha interpretación realizada por Rubén Simeó hai varios anos. Deica outra.

YAKKA. Pasodobre para Banda.

2009-05-09T14:58:00.006+02:00

Yakka é un pasodobre de concerto composto por José Rafael PASCUAL-VILAPLANA
e que nace por un mandado que no seu día fíxolle a Banda da “Asociación de Amigos de la Música” de Yecla (Murcia), coa intención de utilizalo como pasodobre de presentación no Certamen Internacional de Bandas de Valencia, na edición de 2007.
O nome estáse a referir a unha das denominacións árabes que pódense atopar nos libros de historia sobre a cidade de Yecla.
Trátase dun pasodobre de reminiscencias clásicas cun revistimento armónico e tímbrico de carácter máis actual. O protagonismo do saxo alto no primeiro tema é unha homenaxe do compositor ó propio director da Banda de Yecla, o mestre Angel Hernández Azorín, profesor diste instrumento.

A Banda da EMMO abriu a súa participación no IV Festival de Bandas de Música do Concello de Oleiros con ista obra.

IV FESTIVAL DE BANDAS CONCELLO DE OLEIROS

2009-05-09T14:04:00.002+02:00

O domingo día 26 de abril no auditorio Gabriel García Márquez de Mera celebrouse a cuarta edición do Festival de Bandas do Concello de Oleiros.
Participaron as formacións musicais de Betanzos, Sada e Oleiros

O programa foi o seguinte:

BANDA DE MÚSICA DE BETANZOS
1.ª parte

• Fiestas en Levante .........................................M.Carrascosa
• La Tabernera del Puerto..................................P.Sorozabal
Director: Raúl Galán Cerveró

2.ª parte

• Coplas de mi tierra...........................................M.Palau
• Comic Overture................................................F.Ferrán
Director: Antonio Ferrer Cerveró

BANDA MUNICIPAL DE MÚSICA DE SADA
• Bellas Artes………………………………………Aurielio Nieto
• Clarinet Concerto………….………………….…Artie Shaw
Solista: Jesús Sánchez Montero

• Cantaruxa (da Suite Galega Estrasantico)……Simón Cruceiro
• Mar i Bel ……………………………………….…Ferrer Ferrán
Director: Miguel Brea Seoane

BANDA DA ESCOLA MUNICIPAL DE MÚSICA DE OLEIROS
•Yakka (pasodobre de concerto)…………………J. R. Pascual-Vilaplana
•Rubicon ……………Bert Appermont

1. Meditation
2. The Battle of Pharsallus
3. Dance
Solista: Alba López Trillo

•Estrasantico …………………………Simón Couceiro Freire

1. Alborada
2. Muiñeira
Director: Alberto Piñeiro Leiva

RUBICON

2009-03-15T17:57:00.004+01:00

Chegoume ós oidos que estan a preparar os da Banda de Música da EMMO o programa pra se presentar un ano máis o Certame de Bandas que orgaiza o Concellos de Oleiros. Seique iste ano celebrarase na fin de semana do 26 de abril. Concretareino cando teña coñecemento por vía oficial.

Unha das pezas nas que estan a traballar é obra de Bert Appermont, RUBICON
O Rubicón é un río no norde de Italia que Xulio César cruzou cos seus exércitos no ano 49 A.C., desafiando ós dirixentes de Roma que temían o seu poder. Esto deu lugar a unha guerra civil contra o seu rival Pompeyo, despois da cal César toma o poder como gobernante absoluto de Roma. “Cruzar o Rubicón” utilízase dende aquela como expresión que significa a toma dunha decisión perigosa e irreversible, tornándose nun modo proverbial de dicer que se comeza algo novo e difícil, que se racha co pasado lanzándose a unha empresa de irrevocables consecuencias. Con iste traballo Bert Appermont intenta reflectir musicalmente un importante momento da historia. A obra ten tres partes: "Meditación", "A Batalla de Farsalia", e "Danza".

A Batalla de Farsalia esta estudiada dabondo e paga a pena botarlle unha ollada.
¿Quén dubidaba da súa existencia? ¿Algún musico de pouca fe?
Deica outra.

AS CORES DO VENTO

2009-02-14T17:36:00.001+01:00

Coméntanme os meus informadores que istas semanas o director da Banda de Música da Escola Municipal de Música de Oleiros, Sr. Piñeiro, esta a convocar os ensaios da banda por cordas. E dicer, orgaiza unha sesión para vento-madeira, outra para vento-metal e outra para percusión. Seique está a sacar de cada sección da banda o maior zume e de millor calidade posible.

¡ Por favor Sr. Piñeiro, deixeme algun músico vivo!

Xa que logo, decidín sair na percura de información sobre as distintas cordas das bandas para estar ó día, e algo atopei. Pero hoxe, denantes de salientar características concretas das distintas cordas (que deixo para engadir noutro momento), permitídeme que vos ofreza un par de videos sobre o “VENTO”. Sí, sí, o vento e as súas cores. O vento é o elemento fundamental dunha banda de música, e inda que non o pareza, o vento ten cores.

Agardo que sexan do voso agrado
Saúde e deica outra.

MONUMENTO NATURAL COSTA DE DEXO-SERANTES, OLEIROS.

2009-02-08T20:17:00.007+01:00

Non todo é música no noso entorno. Precisamente unha das características máis selientables do noso concello é a súa estreita relación coa natureza e o intento de conservala como un patrimonio que temos a obriga de transmitir ós nosos fillos en millores condicións de cómo atopámolo. Depende de todos e cada un de nós, nas nosas respectivas responsabilidades profesionais e como persoas, o adoitar iste compromiso.

Oleiros ofrécenos un entorno “bandtástico” .

Como portada da bitácora sempre esta pendurada unha modesta fotocomposición que fai un pequeño percorrido aereo dende Dexo ata Santa Cristina, pero hoxe quérovos agasallar cun video máis concreto e, entendo que máis fermoso. Recréase no Monumento Natural Costa de Dexo-Serantes e perteñece á Aula do Mar da Casa do Fareiro de Mera

O Monumento Natural Costa de Dexo localízase no Concello de Oleiros (A Coruña). Percorre a franxa marítima que se atopa entre os Faros de Mera e o Porto de Lorbé e inclue a totalidade de illas e illotes próximos á costa. Esta franxa costeira é unha das poucas áreas naturais ben conservadas de toda a costa ártabra. Este feito, xunto á singularidade dos seus ecosistemas e hábitats, e á súa xeomorfoloxía e paisaxe foron os motivos de que, no ano 2000, fose declarada Monumento Natural.

Se premedes de seguido disporedes dunha Guía da Costa de Dexo

Disfrutemos e respectemos o noso entorno. Témolo en préstamo, non en propiedade.

HISTORIA DAS BANDAS DE MÚSICA

2009-02-08T16:46:00.006+01:00

Unha das primeiras ligazóns que incorporei a ista bitácora foi a da Federación Galega de Bandas de Música . Recoñezo que naquel intre, ista federación, ofrecía unha páxina web pouco atractiva, pero dende aquela trocaron o estilo de presentación e contidos da mesma de xeito que resulta algo máis interesante a súa visita.
Un dos seus apartados esta adicado á historia das bandas de música, e de seguido espóñovos eiquí o que alí podedes leer de primeira liña:

HISTORIA DAS BANDAS

É moi probable que se lle preguntásemos á xente que é unha Banda de Música, as respostas se aproximasen bastante á realidade. Con carácter xeral hai un coñecemento bastante preciso do que é unha banda de música, pero na actualidade denominacións como Banda Sinfónica, Banda-Orquesta, Banda Filarmónica, etc. contribuíron a crear certa confusión.
En realidade a utilización de instrumentos de vento - metal e madeira - e de percusión, que como é sabido son os que integran as bandas, é antiquisima e algúns perviven aínda na súa forma orixinal en pobos moi primitivos, aínda que logo evolucionasen converténdose nos que todos coñecemos. Esta costume foi pronto vinculada con prácticas relixiosas e bélicas, e tanto nun caso como no outro duran hoxe en día.
Grandes monarcas - Luís XIV e máis adiante Federico de Prusia - concederon gran importancia á música militar. A música, repetitiva e de ritmo ben marcado, servía para subir o ánimo dos soldados no combate, e tamén - o que é moi importante - axudaba á consecución da uniformidade co mantemento do paso na tropa.
No século XIX a incorporación dos clarinetes e dos saxofóns nas bandas militares deulle a súa dimensión actual.

As bandas civís.
As bandas civís fan a súa aparición a comezos do ano 1800. É evidente que nacen a imitación das militares posto que a disposición instrumental é a mesma e os músicos gardan uniformidade no desfile e na vestimenta. Pero tamén teñen as súas diferencias, posto que a súa función non ten nada que ver coa guerra, e por outra parte xorde dos movementos asociacionistas que traen os novos pensamentos liberais daquel entón, e deixan dende aquel momento de pertencer exclusivamente a certos estamentos como poden ser a alta burguesía, a nobreza, os mandos militares ou o clero. Eran as Bandas de Música Populares.
Hoxe parécenos do máis normal o que estamos a vivir coa música, pero por aquel entón foi unha conquista máis no dificil camiño que se percorreu para achegar as liberdades ó pobo.

É así como a música culta se extende e chega ata o pobo, deixando de ser privilexio duns poucos, podendo entendela e practicala todo o mundo, feito que agradaba moito ás autoridade liberais que gobernaban naquel momento, que fomentanban e apoiaban estas iniciativas por se tratar dun movemento asociacionista liberal e pacífico que indudablemente desenvolvía a intelixencia e a sensibilidade do pobo.
Estas asociacións, para reflexar a agrupación de cidadáns realizando actividades comúns, atópase íntimamente relacionada coa liberdade de asociación e polo tanto os nomes de moitas bandas de música recollen esa idea con termos como "Unión", "Unión Musical", "Unión Artística" e moitos outros que se extenderon por toda Galiza.
Así, no campo da música, a finais do século XIX aparecen en moitos lugares de Europa, e en particular en España as asociacións de instrumentistas - as bandas populares - e as de cantantes - corais e orfeóns - moitas delas constituidas por xente non profesional e outras por semi-profesionais, pero en calquera caso o fenómeno extendeuse por todo o estado alcanzando cotas importantes en Cataluña e no País Vasco (orfeóns e corais), e no Levante español - principalmente Valencia - as bandas de música. En Galiza déronse simultaneamente os dous fenómenos, pero con menor importancia.

Alvamar Overture

2009-01-30T23:26:00.012+01:00

Despois dun periodo de inactividade por cuestións técnicas, voltamos de novo á bitácora.
Teño traballo pendente e pretendo sacalo adiante, pero amodo.

Para escomenzar a tirar do fio deixovos ista gravación do Concerto de Nadal do que xa vos din conta no seu momento. Moitas grazas Iván porque sempre estas ahí pra dar testemuña do que acontece.
Trátase da obra coa que a Banda de Música da E.M.M.O. abriu o concerto: Alvamar Overture, de James Barnes, un dos referentes da música para banda en Estados Unidos e tamén en todo o mundo.
É unha obertura de concerto cunha estructura bastante ampliada, e cun material, tanto rítmico como melódico, moi pegadizo que transmítese con facilidade ó espectador. Ainda que a súa estrea foi alá polo ano 1981, segue estando presente na maioría dos repertorios bandísticos actuais e non quedou desfasada.

James Barnes (1949) estudou composición e teoria da música na Universidade de Kansas e en privado con Zuohuang Chen. Foi galardoado con varios premios como o Bachelor of Music ou o Master of Music.
Dende 1977 ensina orquestración e composición na University Of Kansas. As súas numerosas obras son tocadas a cotío en América, Europa, Xapón Taiwán e Australia, e a banda xaponesa Tokio Kosei Orchestra editou varios discos cd´s coa súa obra.

Concerto Nadal 2008

2009-01-03T23:08:00.004+01:00

A Banda da Escola Municipal de Música do Concello de Oleiros protagonizou o pasado día 13 de decembro o seu Concerto de Nadal. A actuación escomenzou ás 20.30 horas no Auditorio Gabriel García Mázquez, en Mera, coa interpretación de Alvamar Overture , de James Barnes.
Ó remate das interpretacións engadidas no programa houbo unha interesante mistura de melodías contemporaneas recollendo a música dos anuncios publicitarios do Nadal. Este remexido de música, de anuncios publicitarios da época de nadal, evocou momentos inesquecíbles vividos fronte a unha televisión ou unha radio por unha boa parte do público. «Temas como a lotaría, os turróns ou as bonecas, formarán parte da nosa vida, non polas súas marcas, senón que pola súa música», sinalou Alberto Piñeiro Leiva, director da Banda da Escola de Música Municipal.

PROGRAMA:

Banda:

Alvamar overture James Barnes.

Palindromía flamenca Antonio Ruda Peco.
Solista de saxofón soprano: Rafa Agulló Albors
Guitarra española: Cristina Espiñeira Precedo
Caixón flamenco: Robin Leira Vázquez

Highlights from Annie Ch. Strousse /arranxo: J. de Meij.

Miss Trombone Henry Fillmore / arranxo : Alberto Piñeiro.
Solista de trombón: Arturo Centelles Fabado.

Innuendo Arranxo para banda : Jorge Salgueiro.

Coro de voces brancas, aula de folk e banda:

Vinde ver ó neno Popular/ arranxo : Alberto Piñeiro.

A Belén vinde pastores Popular/ arranxo: Julio Cabo.

Remexido de anuncios navideños Arranxo para banda: Alberto Piñeiro.

FEIRA DO MEL

2008-11-01T18:26:00.004+01:00

O Concello de Oleiros acolle este domingo 2 de novembro a partir das 10 h a XIX edición da Feira do Mel no Mercado Municipal de Perillo .Esta feira organizada polo Concello de Oleiros acolle cada ano moitos visitantes interesados en festexar un día cheo de diversión desde a primeira hora, xa que desde as 10 h acompañando os expositores haberá artesáns, demostracións de artesanía, animacións infantís e casetas informativas do Concello, da ANPA Xosé Neira Vilas, da ANPA Valle Inclán, de ASPADISOL e de ASPRONAGA e dentro do horario festivo non faltará a música nin a comida, xa que durante toda a xornada estarán presentes a Pulpeira de Melide e a Panadería Da Cunha e en canto á música comezará ás 11:30 actuando o grupo Semente Nova, para seguir ás 12:00 con Folliñas de Oleiros, contra as 12:30 Santaia de Santa Cruz
e ás 13:00 coa actuación da Banda da Escola Municipal de Música do Concello de Oleiros. Para pechar este día de feira ás 18:00 está previsto facer un magosto e unha queimada que serán amenizados pola Orquestra Solara.

¡¡¡ NORABOA !!! LUCIANO

2008-10-26T15:56:00.007+01:00

Un lareteo, que deixouno de ser pra se converter en agradabel sorpresa, percorreou istes días o entorno dos achegados á Banda de Música da EMMO , e dende ista bitácora quérolle achegar ó protagonista da mesma os meus parabéns ó mesmo tempo que desexarlle que toda-las súas expectativas persoais e formativo-profesionais véxanse cumpridas no presente e no futuro. El e a súa familia merécenno.

O 22 de outubro de 2008 o Consorcio para la Promoción de la Música fixo públicos os resultados das audicións para acceder á Orquestra Nova da Sinfónica de Galicia, celebradas no Pazo da Ópera da Coruña o 18 e 19 de outubro de 2008.

Luciano , escorrenta simpatía e positivismo activo. Son a súa bandeira. Pero iso non o é todo. Acadar iste fito estou seguro que é froito do esforzo e do compromiso co traballo. As cousas non acontecen por casualidade. Conqueríchelo, pero isto é principiar.

Seguiremos a túa andaina e a do teu contrabaixo, tanto na Banda de Música da EMMO (uns compartindo ensaios, actuacións e convivencia, outros disfrutando da vosa música), coma na Orquestra Nova da Sinfónica de Galicia. NORABOA e …………………

¡¡¡ ARRIBA O INSTRUMENTO!!! , BANDOLEIRO.

Non vos rindades

2008-10-05T19:18:00.004+02:00

SE VOS RENDIDES, ELES RENDIRANSE.

Amosade as vosas preferencias.

2008-10-05T12:51:00.006+02:00

Quero facerme eco dun comentario realizado hai días por TOLUCHI e darlle a categoría de entrada. Coa súa aportación despertou en min unha idea que pretendo poñer en práctica coa colaboración de todo-los que visitan iste espacio.
TOLUCHI dicía no seu comentario que a Banda Municipal de Silleda tamén tiña outra versión de Palindromía Flamenca, e convidávame a escoitala visitando un video colgado en YOUTUBE. Seguín a súa recomendación e localicei ise video. Hai o tedes:

Agora, eu querovos convidar a que votedes pola versión que máis vos gosta entre ambalas dúas. Conven discriminar os aspectos ténico-visuais da gravación e valorar estrictamente o aspecto musical.

Saúde e a votar, se vos prace. E TOLUCHI, moitas grazas polo teu comentario. Fixeches xurdir unha posibilidade de participación.

Escomenza-lo traballo de novo.

2008-09-20T20:46:00.007+02:00

Despois de algo máis dun mes sen saber nada das actividades dos integrantes da Banda da Escola de Música de Oleiros, achéganse a min os primeiros lareteos do que esta a acontecer no entorno da agrupación.
Seique tra-lo acougo da época estival, marcada niste caso polo “Desconcertazo” da clausura da Feira Alfaroleiros, voltaron ós ensaios o pasado día 12 de setembro e xa estan a repetir a rutina dos sábados pola mañán no Auditorio da Fábrica .
Ahhhh, iso sí. Unha novidade a ter en conta e moi valorada, asegún dixéronme, foi o feito de entregar un plan de obras a preparar para iste curso co seu respectivo plan de ensaios mensual.
Semella que o Sr. Piñeiro non quere dar puntada sen fio. ¿Sorprenderános con algo?
Pois non o sei. Os meus informadores do único que me deron conta foi das pezas que teñen que ir preparando: Que si “Clarinera Mayor”, que si “Alvamar Overtura”, que si “Highlights from Annie”. Tamén faláronme de algo así como “Palindromía Flamenca” e “Orfeo nos Infernos” dun tal Offenbach . Interesado eu por saber se habería algunha peza "das nosas", das de autores da terra, non acertaron a dicir nada. Por favor Sr. Piñeiro, sabemos da súa especial sensibilidade polo noso. Estamos na terra de Reveriano Soutullo , de Pascual Veiga de ….., estamos na terra da muiñeira, das alboradas e dos compases ternarios. Somos herdeiros dun patrimonio musical que ven de moi lonxe e chegou canda nos grazas o compromiso dos nosos maiores. É un sinal de identidade colectivo. Que non esmoreza con nós. Fagamos un pequeño esforzo por seguir existindo e aportando o noso sentir no eido musical, tamén. Todo pode entrar no saco. A música non ten fronteiras. Non as poñamos nós.

Pois a mín iso de “Palindromia Flamenca” tanto me chocou que escomencei a investigar sobor dela, e resultou ser algo moi curioso, mesmo unha peza esplendida e moi atractiva. Mirade e escoitade iste video. Paga a pena. Despois, se vos prace seguide lendo.

¿Non vos transmitiu nada?.....A música non ten fronteiras.

Ista gravación corresponde a un concerto da Banda Municipal de Valencia dirixida por Pablo Sánchez Torrella. "Palindromía Flamenca" é unha obra para Saxo Soprano, Guitarra Española, Caixa Flamenca e Banda, autoría de Antonio Ruda Peco. Según o propio autor, ista obra é un xogo en forma de soleá . En literatura, o término Palíndromo, é un escrito que tanto ten leelo de dereita a esquerda coma de esquerda a dereita. Esta é forma que utilizou o autor para a súa composición. Así as suas frases, contrapuntos, efectos, tanto melódicos como armónicos ou rítmicos son na meirande parte dos casos palíndromos a 1,2,4,8 ou máis compases. Poidéchedes apreciar que ten unha introducción cun estilo moi español seguida dun motivo que repítese varias veces alternando coas frases. Máis adiente o saxo solista a xeito de improvisación, e coa colaboración da guitarra española, as palmas e o caixón flamenco trasládanos ó que coñecemos como un “tablao flamenco”.
A peza foi adicada polo autor ó saxofonista Pedro Iturralde . Non é de estranar.

Xa teño gañas de ver a istes autochamados “BANDOLEIROS” como atacan ista composición. ¿Deixarana viva?. Agardemos que si. E a nós tamén, queremos seguir disfrutando.
Daremos conta equí da súa posta en concerto. ¿Vale?
Saúde.

Crónica dun DESCONCERTO

2008-08-12T11:00:00.006+02:00

O prometido é débeda. Comprometinme a dar testemuña do que acontecera no concerto que a Banda da Escola de Música de Oleiros ía dar co gallo da clausura da Feira Alfaroleiros no serán do dómingo día 10 de agosto no Parque Luís Seoane de Santa Cruz.
O mal tempo xogounos unha moi mala pasada ós alí presentes xa que houbose de suspender o concerto por mor da chuvia, que no intre de escomenzar os músicos a afinar, escomenzou a caer.
Unha magoa por non poder disfrutar dunha agradable velada musical coa serenidade que proprciona o entorno do parque, unha magoa que despois do esforzo e adicación dos músicos tralos ensaios para iste concerto non poideran amosar nista ocasión o resultado do seu traballo e unha magoa por non poder dar a despedida desexada ós Señores do Barro.

Para compensar, deixovos cun dos pasodobles máis fermosos que coñezo, Ponteareas, composición de Reveriano Soutullo, e que acadou soa internacional.
Disfrutade con el.

>

MILLADOIRO, por sempre, ¡¡¡ BANDÁSTICO !!!

2008-08-10T15:48:00.007+02:00

Non estou a descobrir nada novo se afirmo que un dos grupos emblemáticos do panorama musical galego é Milladoiro .
Entendo que eles foron quen de dar o paso definitivo para por, no seu momento, a música tradicional galega no camiño da modernidade, do futuro. Outros foron seguindo a súa estela e aportando con sabiduría e respecto pola tradición, novos conceptos que fan da nosa música un sinal de identidade colectivo que nos permite seguir existindo baixo o irremediable manto da aldea global.

Na Praza do Emigrante de Santa Cruz, na fermosa noite do pasado día 8 de agosto, e dentro dos actos da XIV Feira Alfaroleiros, actuou Milladoiro. Foron case 2 horas de deleite. Pódovos asegurar que os que no tivéchedes ocasión de estar presentes perdíchedes a oportunidade de disfrutar dun espectáculo “Bandástico”, semellante ó que podedes ver se calcades eiquí ou eiquí .

Saúde e amodiño. Deica outra.

Alfaroleiros 2008

2008-08-06T16:27:00.003+02:00

A partires do día 6 de agosto e ata o día 10 celebrarase no Parque Luís Seoane de Santa Cruz a XIV edición da Feira Alfaroleiros, que nista ocasión congrega a 24 artesáns de toda a Península.
Dentro do programa de Alfaroleiros será destacada a presenza da Banda da Escola de Música de Oleiros na clausura da devandita feira o domingo día 10 as 20:30 horas.
Animádevos e acudide ó concerto. Teño entendido que os músicos estáno preparando con grande entusiasmo.
Por suposto que eu non faltarei e intentarei dar testemuña do que alí aconteza.
Saúde e amodiño.

SILLEDA. ¡¡¡ ARRIBA O INSTRUMENTO!!!

2008-07-19T15:12:00.010+02:00

Según contan as crónicas, as terras do Deza foron tomadas hai días por un numeroso grupo de Bandoleiros.
Os Bandoleiros voltaron de Silleda. ¿E quénes son os Bandoleiros?
Adoitaron ise nome os integrantes da Banda da Escola de Música de Oleiros.
Co gallo das Festas de Silleda, a Banda da Escola de Música de Oleiros foi convidada a dar un concerto no serán do día 11 de xullo.

Pero………….non desaproveitaron o tempo e fóronse de esmorga tamén. Ollade, ollade:

Se tedes interese nalgunha das fotos premede eiquí
e poderedes baixar as que queirades.

Jacob de Haan

2008-07-08T18:02:00.005+02:00

Hoxe quero falar de Jacob de Haan.
Descubrín a Jacob de Haan grazas a unha interpretación que da súa obra “Dakota” realizou a Banda de Escola de Música de Oleiros. Xa hai varios anos disto, pero o sentimento e a paixón que transmitiume a súa música despertou en min curiosidade polo seu autor. Máis adiante tiven a sorte de ser testemuña doutras dúas interpretacións do mesmo autor, Ross Roy e “La Storia”. Encantáronme.
Jacob de Haan naceu o 28 de marzo de 1959 en Heerenveen , Holanda. Recibiu a súa formación musical na Academia de Música Estatal en Leeuwarden, onde estudou órgano. Na actualidade é profesor nista academia na especialidade de Composición.
Vive na cidade de Rótterdam onde ademáis da docencia, adícase á composición. En moitas ocasións é requerido como director convidado para interpretar os seus propios traballos e tamén como xuiz en concursos internacionais.
Jacob de Haan creceu nunha familia con inquedanzas musicais. Grazas ó seu piano e ás leccións de trompeta, el foi quen de desenvolver a súa creatividad como futuro compositor dende moi novo. Principiando os anos 80, cando os seus primeiros traballos foron publicados, xa obtivo os seus primeiros éxitos como compositor de música para banda de concerto.
Ten sona polas súas composicións, moitas delas por encargo, e polas combinacións de estilos. Oregón é a súa obra máis exitosa. O seu repertorio para banda de concerto consiste en obras de concurso en varios grados de dificultade, obras de concerto curtas, música popular e algunhas marchas. Tamén ten escrito alguns arranxos de obras clásicas e corais. E por suposto, material didáctico para os principiantes. Se tedes interese en saber algo máis da súa obra non dubidedes en visitar o seu espacio persoal na Internet pinchando eiquí . Asemade disporedes, no devandito lugar, dun fato de pequenas “demos” das súas obras.

Agardo que vos goste a súa música.

Tyrolienne para 2 clarinetes e banda.

2008-06-23T18:35:00.019+02:00

Nista ocasión agrádame recuperar unha, xa vella, gravación. Penso que debeu ser das primeiras veces que a Banda da Escola de Música de Oleiros actuou no Auditorio Gabriel García Márquez.
Coma sempre, istas referencias sonoras ou visuais achéganse a min de casualidade. Sabedores das miñas inquedanzas bandísticas, un fato de amigos de xeito desinteresado deixan caer coma quen non quere a cousa as súas testemuñas no meu colo, i eu non son quen de dicir que non. Xa o sei, son un blandengue.
O autor dista pequena peza composta en 1955 foi Hugo de Groot, compositor holandes nado en 1897 e morto en 1986. A súa obra inclue máis de 1000 composicións de todo-los xéneros.
Contáronme os alí presentes que as dúas solistas de clarinete, chamadas Natalia e Inés, sonche da canteira propia de Oleiros. Alumnísimas de Alberto Piñeiro. Entendo que non deixa de ser unha satisfacción profesional que o traballo, esforzo e compromiso conxunto co alumno dea estes resultados. Seguramente o Sr. Piñeiro entende que os resultados sempre poden ser millorables, e ten razón.
Pero coma decía outro benquerido profesor, "faise camiño ó andar". Seique a verdadeira felicidade non esta no final do camiño senon no vagar da propia corredoira. Atopémola e disfrutémola.
Saúde e amodiño.

Piratas do Caribe

2008-06-15T21:25:00.008+02:00

Achegouse á praia de Mera, peneirada polo mar, unha botella que contiña no seu interior un pequeno e humido mapa que eu supoñía da localización dun suposto tesouro. Neste caso, probe de min, non se trataba dun enderezo físico senon virtual, diste xeito din na internet coa gravación que de seguido convídovos a ver.

Xuntanza dos Maiores, Polbo, Carne ó Caldeiro e Música, iso foi Sarria

2008-06-10T17:33:00.004+02:00

Contáronme que o domingo día 1 de xuño a Banda da Escola de Música de Oleiros desprazouse a Sarria convidada para dar un Concerto na festa coa que o concello lucense agasalla ós maiores.
Alí os membros da banda tocaron, xantaron e pasaron o día. Dixéronme que foilles moi ben ainda que o esceario non era o máis apropiado para un concerto. En calqueira caso conven afacerse a todalas situacións xa que trátase de seguir aprendendo. ¿Nonsi?.
Eiquí queda unha pequena mostra do que alí aconteceu grazas a testemuña gráfica de Xosé, (alí presente).

Se queres algunha das fotos, pódelas baixar premendo eiquí

Tango for a Toreador,... disque.

2008-06-02T21:09:00.008+02:00

Pregúntome se trátase dun tango con aire de pasodobre ou un pasodobre con aire de tango. En calqueira caso, soberbio.
Despois dunha introducción chea de ritmo e intensidade albíscase o tema A da primeira sección. Ista parte caracterízase polo constante colorido andaluz tanto nas súas melodías coma polo ritmo marcado pola castañolas e as trompetas.
Un redobre de timbal anuncia a chegada do segundo tema. Un pouco máis vivo que o anterior e cun ritmo máis incisivo, o tema B amosa os instrumentos de rexistro máis grave acompañado polas coloristas armonías e os incesantes patróns rítmicos que realizan as madeiras, as trompetas e a percusión.
Unha última alusión á escala andaluza por parte dos clarinetes e saxos, sostida por unha nota prolongada no rexistro grave, pon remate á primeira parte.

A Segunda parte escomenza cun tango arxentino. Un novo tema, apaisoante e cheo de sentimento é introducido polos clarinetes. Pero, de súpeto, o compositor convídanos a escoitar unha pasaxe que fainos lembrar o ambente andaluz da primeira parte coma se non quisera esquencer o que acontecera nela.
Tanto é así que, de seguido, reaparece parcialmente o tema A, iso si, faino ó ritmo do tango arxentino que víñamos de escoitar.
Neste intre mistúranse as duas culturas: a andaluza e a arxentina.
E con ista mistura de coores chegamos á coda final elaborada con elementos temáticos expostos na introducción.

¡Moitas grazas Sr. Snijders!

Disfrutamos coma enanos e pasámolo de carallo..., a pesares dos tresillos.
Saúde e amodiño.

¿Holiday In Rio ou Festa En Oleiros?

2008-05-10T16:01:00.000+02:00

Escomenzo polo remate do concerto. Ista foi a propina da Banda da Escola de Música de Oleiros, Holiday In Rio, unha peza a ritmo de Samba, obra de Walter Scheneider-Argenbuhl e arranxos de Steve MacMillan. Dirixidos polo noso benquerido director Alberto Piñeiro Leiva, disfrutamos coma enanos. Eu paseino de carallo. Agardo que vos guste.

Saúde e amodiño.

III Festival de Bandas Concello de Oleiros

2008-05-04T21:21:00.000+02:00

O Pasado día 26 de abril celebrouse o III Festival de Bandas Concello de Oleiros no Auditorio Municipal "Gabriel García Márquez" na localidade oleirense de Mera.

As agrupacións musicais participantes foron:

Banda de Música de Santa Cruz de Rivadulla

Banda de Música Cultural de Teo

Banda da Escola Municipal de Música de Oleiros.